ANAGNÓRISE, teatro.

O alumnado de 4º asistiu á adaptación teatral da novela Anagnórise, de María Victoria Moreno, autora homenaxeada nas Letras Galegas deste ano.

PLANTACIÓN NO MONTE ESPIÑO

A vaga de lumes no outono cubriu de cinza os montes arredor de Redondela. As horas de desesperación afogando as lapas deron paso a días de resignación. Apagouse o lume e, co tempo, esmoreceu a carraxe.

Chega a primavera, pero, con ela, o  gris invernal da paisaxe non troca de cor. A choiva, que sempre trae verdor aos ecosistemas galegos, réndese esta vez, tras décadas de loita contra os lumes provocados.

Pero o alumnado do IES Illa de San Simón  non se rende. E decide actuar. 

Así que, co inicio da primavera, os nosos alumnos póñense mans á terra e participan en dúas actividades para axudar a rexenerar os nosos montes.

Os alumnos de 2º de ESO fan un pequeno alcouve ou sementeiro. 

Cada landra que plantan e apadriñan con agarimo, será un futuro carballo. Co tempo formará parte da pequena carballeira que intentará repoboar algunha zona castigada polo lume.

Os alumnos de 4º de ESO participaron nunha repoboación forestal organizada pola Comunidade de Montes Veciñais  de O Viso.

 Nun lugar de incrible beleza, con vistas á Enseada de San Simón e á capela do Monte da Peneda, os alumnos concienciáronse das consecuencias negativas dos lumes, das vantaxes da repoboación con especies arbóreas frondosas e pasearon por unha carballeira que serve de devasa natural para protexer as casas. 

Para finalizar a xornada, repoboaron una parte do Monte Espiño con bidueiros, carballos e castiñeiros.

Un gran de area pode quizais non  faga unha montaña pero, grazas aos nosos alumnos, unhas landras van facer un bosque.

DÍA DE ROSALÍA - 18

Para celebrar o Día de Rosalía tivemos recitado dos seus poemas e música ao vivo. Marabillosa celebración!!

PERGAMIÑO VINDEL

O Pergamiño Vindel, xoia literaria do século XIII, estivo exposto no Museo de Mar de Galicia en Vigo e, polo tanto, non podiamos deixar pasar a ocasión de ilo ver.
O noso alumnado gozou dunha emotiva e inesquecible visita para coñecer non só as sete cantigas de Martín Códax, senón tamén para achegarse ao esplendor da Galicia medieval.

Comezamos coñecendo a historia do Pergamiño.

Estas son algunhas das fotos que fixo o alumnado durante a visita.

No bus. Pablo Campo

Exterior do Museo. Carla Fernández

Museo do Mar. Carla Fernández

Museo. Carla Fernández

Museo. Carla Fernández

Aquario. Estela Ricón

Museo. Iria Lago

Pergamiño Vindel. Mari Luz

Alumnado 3º

Alumnado 3º

Alumnado 1º

INCENDIOS 2017

Estes son algúns dos traballos feitos con motivo da onda incendiaria que asolagou Galicia en outubro de 2017.

Cecilia Agulla - 2º C

SCRIPTORIUM

Como se facían os códices?

Como traballaban os copistas?

Que instrumentos utilizaban?

Como e en que escribían?
 

Resposta a todo isto tivo o alumnado de primeiro que asistiu ao obradoiro organizado polo Servizo de Normalización do Concello. Alá foron con toda a ilusión de aprender un oficio da Idade Media. 

Vede o que fixeron os de 1º A.

E os de 1º B.

Quizais agora sexamos capaces de facer algo semellante a isto: PERGAMIÑO VINDEL (século XIII)

O Scriptorium

 Durante a Idade Media, existían nalgúns mosteiros e abadías, uns talleres monacais coñecidos coma Scriptoria, onde os monxes dedicaban parte da súa vida a crear, decorar, copiar, iluminar e encadernar libros e códices.

 Un códice é un libro escrito á man (manuscrito) principalmente sobre pergamiño. Compóñense de follas pregadas e atadas que se protexen encadernándoas. Estes monxes medievais, denominados copistas, traballaban nos Scriptoria. 

O seu labor consistía en recuperar textos antigos a través dunha escritura coidada, aliñada e de gran beleza. Nunha época na que aínda non se inventara a imprenta, o duro traballo destes artistas nos scriptoria servirá para conservar os coñecementos e transmitir a sabedoría. 

As imaxes ilustradas que acompañan en moitas ocasións os textos serán froito do magnífico labor dos monxes miniaturistas. A función destas miniaturas, ademais da puramente estética e artística, será a de facilitar a comprensión do escrito a todos aqueles que non saiban ler nin escribir.

 Cada Scriptorium tiña unhas regras e un director que coordinaba o traballo dos copistas, iluminadores e encadernadores. Non todos os monxes podían traballar no Scriptorium, xa que requiría dunha gran mestría caligráfica e pictórica ademais de virtudes tan importantes coma a paciencia, a serenidade, a temperanza e a fortaleza física e espiritual. Nalgúns casos este traballo diario e enormemente fatigoso podía chegar a acabar coa súa propia vida. Estes monxes medievais converteranse en artistas e os seus traballos en auténticas obras de arte.

O MAGOSTO do 17

Neste magosto de 2017 tivemos festa rachada.

POSTO DE VENDA DE CASTAÑAS:

TERRORÍFICOS RELATOS DE MEDO NA BIBLIOTECA:

XOGOS TRADICIONAIS

CHAVE:

PETANCA:

CARREIRA DE SACOS:

TIRA DA CORDA: